Kameme FmKameme Fm NewsKameme News

Muini nguthi wa nyimbo cia mataaro Joseph Kamaru kuhuruka

Muini nguthi wa nyimbo cia mataaro Joseph Kamaru, niahurukite eena ukuru wa miaka 79, akirigitwo thibitari-ini ya MP Shah, kuria araguthukitio thutha wa kwiihirwo ni mwiri; kuringana na uhoro wikiritwo mukonde ni muuriu Stephen Maina.

Kamaru aciarirwo mwaka-ini wa 1939, mwena wa Kangema, na akiambiriria kuina mwaka-ini wa 1956. Kamaru egutuura aririkanagwo niundu wa nyimbo ciake, ta Muhiki wa Mikosi, Tiga Kuhenia Igoti, Wendo wa Cebe Cebe na ingi nyingi.

Kamaru niaatiga ciana 4. Mwaka-ini uyu Kamaru nieeriga gukoma thibitari, no akiaria akiuga aari na mwihoko wa guthii nambere na muturire, hamwe na kuhona.

Nyimbo ciake ingi ni hamwe na Nindarega, Charia Ungi, Ciira wa Mama Ciru na ingii.Aroohuruka uhoro Mzee Joseph Kamaru.

 

Show More

Related Articles