Kameme FmKameme Fm NewsKameme News

Muingi kaunti-ini ya Nyandarua kuuga matiragunika na ndemu ya Sasumua

Muingi na atongoria kaunti-ini ya Nyandarua nimambikite kunegena makiuga matiragunika na ndemu ya Sasumua amu maai ma ndemu iyo marehagwo guku Nairobi.

MCA wa ward ya Githabai Rimui Kaiyani uria ni umwe wa aria mariganitie na ndemu iyo augite ni undu wi kieha amu muingi wa Kinangop ugitagira ndemu iyo ya Sasumwa na ihumo cia maai indi maai macio marehagwo guku Nairobi riri aikari a Kinangop magumiirwo ni unyihu wa maai micii-ini yao.

Miario yake ni inyititwo mbaru ni MCA wa kwamurwo Mumbi Ndung’u akiuga ona muingi wa Kinangop nduheyagwo mawira ni kambuni ya maai ya Nairobi ona kana hakuhi na ndemu iyo.

Ona kuhana oro uguo murugamiriri wa thirikari nene gitaru-ini gia gatagati Wilson Njega augite mundu oo wothe ukunyitikana akihinga maai kana kurenga miberethi ndemu-ini cia Ndaka-ini kaunti-ini ya Muranga na Sasumwa kaunti-ini ya Nyandarua niegutacukirio makinya mahiu ma kiwatho.

Show More

Related Articles