Kameme FmKameme Fm NewsKameme News

Muthomi wa mohoro Jacque Maribe gutanywo gukinyio igoti-ini umuthi

Muthomi wa mohoro tv-ini Jacque Maribe niatanyitwo gukinyio igoti-ini muthenya wa umuthi agumiirwo ni thitango cia gukuruhana na kuragwo kwa Monica Kimani, muiritu uria woragiirwo gwake nyumba mwena wa Kilimani guku Nairobi na aracoka kuhurukio mwena wa GilGil.

Maobitha a uthuthuria maugite Maribe aronekana ta ari na undu oi ukonie ngero iyo, iria irikanaga gutabanio ni mwendwa wake Joseph Irungu, amu aronekana niarahenanirie riboti-ini yake. Kurerikana thutha wa Irungu gutabania ngero iyo, athiire akiruta kanju iria ehumbite na kumimundia mwaki ona gutuka ndiahiire yothe na gicibau kiria giatigariire ni kiari na thakame.

Oho ningi gukerikana ni aikirie thimu ya mutigairi ndoo-ini ya maai akigeria kuhitha wuira. Utuku uria wirikanaga Irungu agerire ngero iyo, acokire agithie kirabu-ini kimwe mwena wa Westland guku Nairobi ta thaa inyanya cia utuku, kuria macemanirie na Jacque Maribe. Mwikuirwo ungi matanyitwo gukinyio igoti-ini hamwe na Maribe ni Brian Kasaine uria ureikana wanete Joseph Irungu mucinga wake.

Show More

Related Articles