Kameme FmKameme Fm NewsKameme News

Mutongoria wa aria aingi mbunge-ini ya Nyandarua kuuga kuhagurwo gwake gutiarumiriire watho

Mutongoria muhagure wa aria aingi mbunge-ini ya kaunti ya Nyandarua Kamau Gathungu, augite gitumi kinene giake kwaga kwiheyeria giti-ini ona thutha wa MCAs aria aingi kumuhagura, ni kuona njira iria ciahuthiriruo kumweheria itiarumiriire watho.

Gathungu noaugite mahitia maria arekuirwo ta kwaga kurugamiriria thirikari na kumitetera mbunge-ini, kwaga kwaririria ngavana Kimemia, na gwitikiria ndereti ya kuhura mutongoria wa bururi Uhuru Kenyatta ati niahenirie muingi wa Nyandarua na ciiraniro itakinyanagira, akiuga mahitia macio mothe ni mamaheni na akoretwo akiruta wira wake na wigiririki

Gathungu noaugite mbaara yake na MCAs iracogerwo ni ruhonge rwa wathani na minista akiuga kwina uhoteteku MCAs ni mbeca maraheo niguo ma mweherie giti-ini kuona niakoretwo akihurana na ungumania na kunyita mbaru ndereti ya kubuta maminista eri wira magikuirwo ciiko cia ngukumio. Gathungu aritie uu oriri ciikaro cia mbunge ciratiririo nginyagia hindi itoikaine. Spika wa mbunge ino Ndegwa Wahome agitanyuo kuheyana mwerekera mweru wa mbunge muthenya wa umuthi

Show More

Related Articles