Kameme FmKameme Fm NewsKameme News

Namba ya mitino ya barabara guku bururi-ini kuongerereka na 7% mwaka uyu

Namba ya mitino ya barabara guku bururi-ini niyongererekete na gicunji kia 7 hari igana mwaka uyu, uringithanitio na ihinda ota riri mwaka muthiru.

Akiruta riboti iyo murugamiriri munene wa uramati mwega barabara-ini thi-ini wa ruhonge NTSA Njeri Waithaka, augite makiria ma andu 2000 nimatete mioyo yao kwambiriria January nginya mweri uyu wa kenda, kuria athii a maguru na atwarithia a bodaboda makoretwo magitongoria mitino-ini iyo na iria ikoretwo igiicungiririo makiria ni matereba kwaga kihariro barabara-ini.

Njeri niongereire kuuga barabara ya Nairobi guthii Naikuru nginya Salgaa niyo ikoretwo igitongoria na mitino ya barabara bururi-ini. Ihinda-ini oriu augite ruhonge ruu nirurikitie kurugamia mihang’o ya sacco 12 guku bururi-ini na 5 gutunywo marua thutha wa uthuthuria kwonania ni ikoretwo ikiagarara mawatho ma barabara.

Show More

Related Articles