Kameme FmKameme Fm News

Igongona ria kuririkana mutigairi Wangari Maathai gutabanio kiharo-ini kia Uhuru Park

Mutigairi Wangari Maathai uria wahurukire miaka 6 mihituku niagathiriirio ni kunyita itemi hari kuruirira ihoto cia muingi, kurehe urumwe na thayu na makiria gutethiriria guthaitira maria maturigiciirie.

Hindi ya kiririkano kia Wangari kiharo-ini kia Uhuru Park umuthi, muikariri giti wa gikundi gia Greenbelt Movement Marion Kamau augite wirutire wake hari itanya ria kugacirithia na kurumbuiya maria maturigiciirie niwagiriire gutugirio amu riari ikinya ria bata makiria hari bururi.

Marion nioritie akenya marumirire makinya ma mutigairi Wangari Maathai hari guthingatithia thayu na urumwe. 

Ihinda-ini o riu mutungatiri Timothy Njoya uria ningi ni muteteri wa ihoto cia muingi arauga kuri na ugaruruku munene kuringithanitio na matuku ma hau gabere, niaumu kuri na wiiyathi wa kumurika thirikari makiria riria yogora.

 

 

Show More

Related Articles