Kameme FmKameme Fm News

Fatuma Gedi kuregana na uhoro ati niwe wahakaga ambunge niguo kuguithia riboti ya cukari

Murugamiriri wa atumia kaunti-ini ya Wajir Fatuma Gedi niakaanite uhoro ati niwe wahakaga ambunge na ciringi 10,000 niguo maguithie riboti ya cukari.

Gedi uria ugwikinyitie mbere ya kamiti ya mbunge ya maahinya, niaugire ndari aahe mumbunge ona umwe mbeca tiga tu kumooria maguithie riboti iyo ya cukari.

Ritwa ria Gedi nirigwetetwo ni ambunge aria mekinyitie kuruta wuira kamiti-ini iyo.

Hau kabere murugamiriri wa atumia kaunti-ini ya Kiambu Gathoni wa Muchomba nierire kamiti iyo ati ni aiguire na matu make, ambunge making’ung’uana mari kioro, uria Gedi athanduragira ambunge mbeca baribari.

Aria angi mekinyirie mbere ya kamiti iyo ni mumbunge wa Lugari Ayub Savula, uria onake ugire ambunge nimathukiirwo mbeca ni mwonjoria nguthi wa sukari Jaswat Rai, kuona uria mamukenereire kumugeithia na kumuhimbiria.

 

Show More

Related Articles