Kameme FmKameme Fm NewsKameme News

Gikundi gitari gia githirikari CitizenGO kwendekithia ngavana Okoth Obado athitangirwo mahitia ma kuuraga mwana wa Sharon Otieno

Oriri ngavana wa kaunti ya Migori Okoth Obado atanyitwo gucokio igoti-ini muthenya wa umuthi, ari ugwati-ini wa guthitangirwo mahitia ma kuuraga andu eri.

Uu ni angikorwo igoti nirigwitikira ihooya ria gikundi kimwe gitari gia githirikari kia CitizenGo, kiria kiugite ni mahitia kuona ciira-ini uria ugumiire Obado ndurakuruhania gikuu kia mwana wa Sharon.

Gikundi giki nikiandikiire mutongoria wa thitango cia muingi Noordin Hajji na mutongoria wa maobithaa a uthuthuria George Kinoti, gikiuga maobithaa aya nimaragarara kihoto kia mwana wa Sharon uria watigitie mieri iri tu aciarwo.

Kuringana na uthuthuria, mwana ucio wa Sharon akuire kumana na guthecwo na kahiu thutha wa nda ya nyina gutaruranio.

 

Show More

Related Articles