Mediamax Network Limited

Mbodi ya KNCCI kuuga niiranyita mbaru nyongerera ya igoti ria maguta

Mbodi ya ene biashara na iganda bururi-ini KNCCI niyuugite niiranyita mbaru nyongerera ya igoti ria maguta na gicunji kia 8%, riri ambunge amwe mareganite na nyongerera iyo, makiuga nimekuhuthira njira ciothe kuregana nayo, thiku 2 tu thutha wa president gwikira kirore mutaratara wa watho wa nyongerera iyo. Muikariri giti wa mbodi iyo Kitony Kiprono niaugite ambunge nimarahenia muingi na kuingiria uteti nyongerera-ini iyo, riri mabatii kuonia muingi bata wa kuriha igoti niguo kugaciria uthii wa nambere.

Kahinda-ini kau ambunge kihiiri magitongorio ni Danson Mwashako wa Taita Taveta nimaugite igoti riu ritigukorwo na uumithio kuri mukenya, angikorwo ungumania ndukuhuranwo naguo kaimana.