KTVmohoro

Ngavana Lee Kinyanjui kwiranira niekurumbuiya mateta ma arimi a mahua

Thirikari ya kaunti ya Naikuru niiyumiritie na kuuga niigutangikira mathina maria magumiire arimi a mahua kaunti-ini iyo. 

Kuringana ngavana wa kaunti ino Lee Kinyanjui thirikari yake niiguthaitira magoti maria arimi acio makoretwo makiriha kuri thirikari ya kaunti o undu umwe na thirikari nene akiuga andu nimakoretwo mari kihingica kinene hari gutherema gwa sekta ino. 

Akiaria hindi ya wonania wa mahua mwena wa Naivasha Kinyanjui niaraugire ati sekta ya mahua niikoretwo yandikite andu aingi muno na uguo hari bata wa sekta ino guthaitirwo na njira ciothe ota uria kwahoteka. 

Ica ikuhi arimi nimakoretwo magiteta kuumana na magoti ma iguru maria marihaga thirikari ici cieri ona ningi guthuka kwa barabara iria ciingirite migunda-ini ino kuumana na mbura nene iria yauraga bururi-ini.

 

Show More

Related Articles