Kameme FmKameme Fm News

Githagathago gutumuka mbunge hindi ya kwaririria mutaratara wa kugathika igoti ria VAT

Kuri na githagathago giikaroini kia mbunge ihinda-ini riri thutha spika wa mbunge Justin Muturi kwiricukwo hari itua riake ria gwitia kura ya keeri igii mutaratara wa kugathika igoti ria VAT na gicunji kia inyanya hari igana.

Muturi auga rekodi nicionania cararuku ati ni kuuma na muigana mukinyaniru wa ambunge gutua itua, na uguo anyitirira ati mutaratara wa kugathika gicunji kia inyanya hari igana hari maguta nihetukirio.

Hau kabere Muturi ekugite ambunge nimeguikia kura ringi, thutha wa ambunge aingi kwambururuka na matukuya makiuga mutaratara ucio uhetukirio na njira ya ngungo. Arugamiriri atumia mbunge-ini Gathoni Wamuchomba wa Kiambu na Catherine Waruguru ni amwe a aria mareganire na kuhetukio kwa watho ucio.

No nake muikariri giti wa kamiti ya mbunge igii banjeti Kimani Ichung’wa akiaria nja wa mbunge nianyururia aria mararegana na kuhetukio kwa watho ucio, akiuga gicunji kia inyanya hari igana igoti-ini ria maguta nonginya gikinyanire.

 

 

 

 

Show More

Related Articles