Meru FmMeru fm news

No mwanka baria boragire Kapolon bajukirue itagari, Father Kaberia kuuga

Misa ya kaari ka miaka kenda karia mwiri jwaako jwethiirwe mwitune jwa Nkunga Meru koragi nyuma ya kuura niko Maribel Kapolon ithithirua narua kanisene ya St Joseph Cathedral kaunti ya Meru.

Misa iji itongeretue ni Father David Kaberia uria nwee urungamirite Parish iu.

Baria bangi bari misene iji ni aritwa ba primary ya Consolata naria Kapolon arathomaga.Kaari gaka karari ka maginstrate wa Githongo Caroline Kimei.

Father Kaberia nameneretie uragani bubu na kuromba uchunkuni bwa mpwii buthithue na baria bathithirie unyomoo bubu bajukirue itagaria ria mpwii n aria kiwatho.

Jaja jetite na mbere ondii muthuganirua wa uragani bubu uria ukumenyeka ja Benson Kimathi Marangu erigiiri gukinyithua kortini ya Meru.

Nawe muthuganirua wa bairi uria wagwatirwe Kayole Nairobi agitagia mbeca erigiri gukinyithua kortini Nairobi.

Show More

Related Articles