EMOOLOGOIYWEK

NAKURU NESSUIT CASE

Kakiit kapkiruok neo nebo Nakuru raini biik 5 cheboto rubeiwotab Speaker nebo County Assembly nebo Nakuru Samuel Tonui

Kakiit kapkiruok neo nebo Nakuru raini biik 5 cheboto rubeiwotab Speaker nebo County Assembly nebo Nakuru ne kora ko MCA nebo Nessuit Samuel Tonui eng kiruoget nekikimwaitaeen kele kiibee biik koyai Poriet nekokibaorionchi eng kwenutab pororiosiek 2 chemengindos eng Nessuit, Njoro, Nakuru County.

Kaitita taitab Kiruogindet Josphat Kalo bichotok 5 chekabotok Managere nebo CDF eng Njoro William Kipkemboi Langat, rubeiwotab kiruogindet nebo Nessuit Joseph Lesingo , nekiborchinigei ngecheretab MCA Christopher Samoei ak chemungoroindet Joshua Kipchumba kou yekikangat Kiruogindetab Kapkiruok  Elizabeth Gicheha eng betutab Jumatatu ole magat konai angot kityoktoi eng Bond.

Kanerekchi Ogilyotab bichotok, Benard Kipkoech Ngetich chigiliik ak kebeberta neindochini kiruogutik eng nekamwa kole konyolu kokakoiwong chigilisienywa asi konyor imandanywa bichotok nebo kityakta eng Bond yetesetai kiruoget.

Kaiyapta kiruogindet Josphat Kalo  kaseetab kiruogenotok akoi 2.30PM raini ole tetaat kokoon tileet angot kityooktoi eng Bond.

Show More

Related Articles

Check Also

Close