Mediamax Network Limited

Igeria ria MP Oluoch ria kuregana na riendekitia ria president rigii VAT kuringa ihiga

Igeria ria mumbunge wa Mathare Anthony Oluoch ria kwenda mbunge iregane na mendekithia ma mutongoria wa bururi megii igoti ria VAT hari maguta niriringire ihiga.

Oluoch kuhitukira marua kuri spika Justin Muturi araugite mutongoria wa bururi ndagiriirwo ni gukorwo akiingirira wira wa mbunge wa guthondeka watho. Spika Muturi niaugire kuringana na gatiba mutongoria wa bururi eena kihoto gia gucokia mutaratara wa watho mbunge-ini, mbere ya awiikirite kirore utuike watho, na mbunge itabanie mogaruruku maria endekithitie kana iregane namo.

Riu mendekithia ma mutongoria wa bururi mari moko-ini ma kamiti ya mbunge ya bajeti iria igakorwo na giikaro na honge itiganite cia thirikari, thutha ucio mendekithia macio matemanio muthenya wa kana mbunge-ini. Ona kuhana ouguo ambunge amwe nimendekithirie gutikanakorwo na kuhinyiririo hindi ya guikia kura.