EMOOLOGOIYWEK

TUIYOSHEKAB CHAMAISHEKAB BOLOTET

Tetaat koyai tuiyoshek Mps chebo chamaishekab Jubilee ak nebo ODM

Tetaat koyai tuiyoshek Mps chebo chamaishekab Jubilee ak nebo ODM, cheterter ak kandoikwak eng betutab raini asikongalalen akobo kerutik chekigon President Uhuru Kenyatta nebo kebos aisurutab mwanik kongeten kebebertab 16% agoi 8%.

Kainaisi kandoindetab Mps chechang koitenywan eng bunge Aden Duale Mps chebo chamaitab Jubilee kole indochin tuiyonoton bo Jubilee President Uhuru Kenyatta ak rubeiywondenyin William Ruto eng gotab boror eng yuton Nairobi.

Eng kimostanywan ko katach kandoindetab Mps chengering koitenywan eng bunge John Mbadi Mps chebo ODM eng offisisyekab ODM chebo Orange House asikongalalen akobo tononetab chamainoton kotinygei ak keronoton kibun President.

Mwoe logoiywek kole nerekyin Mps keret nekigon President nebo kebos aisurunoton ak kora kebos rabinikab toretoshek chekitobonjin korik chekingaten ngatutik chebo CDF asikotoret kebos boisyetab rabinik eng serikali.

Bitu tuiyoshechuton twan kotomo koyai kaburet neniin membaekab kot neking’aten ng’atutik asikongalalen ak kobir  kura ak kosirto ana kowirta keronoton bo President nebo kebos aisurut eng mwanik ole yesho chamaitab ODM noton ak pcheotin Mps chebo chamaitab Jubilee.

Tinye chamaitab Jubilee Mps 213 ak ODM 98 ak komogotin Mps 233 eng tugul 349 asikewirta keret nekigon President nebo kebos aisurunoton.

Show More

Related Articles

Check Also

Close