Kameme FmKameme Fm NewsKameme News

Igoti ria maguta kwirigirirwo gutiruka kuuma 16% nginya 8%

 

Igoti ria maguta riaya gutiruka kuuma gicunji kia 16 hari igana nginyagia gicunji kia 8 hari igana angikorwo mbunge niikuhitukia riendekithia ria mutongoria wa bururi Uhuru Kenyatta.

Akiariria bururi, mutongoria wa bururi Uhuru Kenyatta niaugire niathikiriirie kiriro na mateta kuuma kuri muingi uria uhatiririkite kuuma riria nyongorera iyo yambirie kurutithio wiira kiambiriria-ini kia mweri uyu.

Oho mutongoria wa bururi nianiriire makinya maria thirikari igutacukia niguo kuhonokeria bururi mbeca kuumana na wuitangi.

Gukiri uguo president niathire honge cia ki watho iria ciihokeiruo kung’ethanira na ngukumio itige kugonderera na itigirire aria maraiya mbeca cia muingi nimathitanguo.

Kuumana noguo, riu kunyihio kwa igoti riu kwirigiriirwo kwaya gugakinyanira kiumia giguka, thutha wa spika wa mbunge Justin Muturi gwita ambunge giikaro kia mwanya. Kwa ihinda riri mbunge iri rutha rwa mweri umwe. Ona kuri oro uguo, kuguithio kwa igoti riu kuri na ciringi kenda makiria hari thogora wa hau kabere igoti ritanongererwo.

Ends

Show More

Related Articles