Kameme FmKameme Fm NewsKameme News

President kwaaga gwiikira kirore watho wiigii nyongerera ya igoti ria maguta

Mutongoria wa bururi Uhuru Kenyatta ndaneekira kirore mutaratara wa watho uria wahitukirio ni mbunge, wa kwendekithia nyongerera ya igoti ria maguta ikambia kuruta wira mwaka-ini wa 2020.

Kurumirira uguo president niatanyitwo kwariria muingi wa bururi iguru wiigii nyongerera ya igoti ria maguta.

Mwaria wa thirikari Kanze Dena arauga President ekwaariria bururi, thutha wa atongoria mwanya mwanya.

Nake spika Justin Muturi nietiitie ciikaro cia mbunge muthenya wa keeri na wa kana kiumia turorete, kwaririria gitumi kia President kwaga gwiikira kirore watho ucio.

Gukinyiria riu thogora wa maguta, uguikara o uria uri; thengia ya gukorwo kamiti ya ERC niitanyitwo kwanirira mathogora meeru ma maguta umuthi.

Hau kabere minista wa kigina Henry Rotich niaraugiite kwaiya gukorwo na kamweneni hari miito ya akenya igii kumurikwo kwa ngarama iyo ya maguta

 

Show More

Related Articles