Mediamax Network Limited

Muteithiriria wa Obado, Michael Oyamokwa kuhingirwo thiku 14 ceceni-ini ya borithi

Muteithiriria wa ngavana wa Migori Michael Oyamo uria wuikitio ngono agikuruhanio na gikuu gia Sharon Otieno, ekuhingirwo kwa ihinda ria thiku 14 ceceni-ini ya borithi ya Muthaiga guku Nairobi. Agikinyaniria itua riu mucirithania Luka Kimaru augite itua riu ni ria kuhe mwena wa thitango mweke wa gutabania uthuthuria makiria niguo makaahota kumuthitanga thutha wa thiku icio.

Onathengia ya mawakiri a Oyamo kwenda arekererio na bodi, mucirithania Kimaru augire no arekereirio na bodi thutha wa ihinda riria athanire ria thiku 14 rikinyanire