Mediamax Network Limited

Obado na mutetheria wawe niberigiri gukinyithua kortini narua kuthitangwa na maitia ja kuraga Sharon Otieno

Ngavana wa Migori Okoth Obado na mutetheria wawe Michael Oyamo bagakinyithua kortini Nairobi kagita konthe kuuma thaa iji kuthitangwa na maitia ja kuraga mwari ukwirikana narari na ndugu ya wendo na Obado niwe Sharon Otieno.

Jau ni nyuma yao gutinda kuungwa mauri ni borisi Kisumu igoro naria wakili wa Obado niwe Cliff Ombetsa ateterete itagaria ria borisi kujukia kagita gakaraja mbere ya beta Obado kumuunga mauri.

Obado na Oyamo barareterwe ni borisi kuuma Nyanza utuku naria Oyamo arere aingiri gituone kia borisi gia Parklands ondii wakili wa Sharon Peter Kaluma akathite itagaria riu ria borisi.

Kunari ouu Kaluma ariuga gutina nkanja nikurari na ndugu ya wendo gati gati ka Sharon na Obado.