KTVmohoro

President Uhuru gutanywo gucemania na atongoria angi thirikari-ini kwarĩrĩria ciĩgiĩ igoti ria maguta

Mutongoria wa bururu Uhuru Kenyatta nierigiriirwo gucemania na minista wa kigina Henry Rotich, munene wa watho Kihara Kariuki, muikariri giti wa kamiti ya mbunge igii kigina Joseph Limo na utongoria wa mbunge ya bururi thingira-ini wa iregi umuthi, aria merigiriirwo kumunengera mutaratara wa watho uria wahitukirio ni mbunge ukienda kurugamia kurutithio wira kwa igoti ria VAT indo-ini cia maguta.

President egukorwo na mweke wa guikira kirore mutaratara uyu na uguo kweheria igoti ria VAT indo-ini cia maguta , kana auteanirie na kuucokia mbunge-ini agitariria gitumi kia undu ucio.

President ari na nginyagia muthenya wa kana kiumia giki gukinyaniria itua riake mbere ya thiku ikumi na inya iria iheanitwo ni watho guthira.

 

Show More

Related Articles