Mediamax Network Limited

Mihang’o ya ugendi gutharara barabara-ini ya Murang’a guthii Kiria-ini

Mihang’o ya ugendi  ni ithararite barabara-ini ya kuuma Murang’a guthii mwena wa Kiria-ini Mathioya na guthii mwena wa Nyeri, thutha wa ahuthiri a barabara iyo kumihingira kilometre nini kuuma tauni ya Muranga, makiuga ati shs 700,000 iria cieraniirwo ni thirikari ikuhuthika guthondeka barabara iyo itirahuthika na njira iria yagiriire niamu no marima marathingwo.

Mbeca cia guthondeka barabara iyo cieraniirwo mieri 2 mihituku ni munini wa mutongoria wa bururi William Ruto akiaria itura-ini ria Gaturi mwena wa Kiharu hindi ya igongona ria gucokia Ngatho ria mumbunge wa Kiharu Ndindi Nyoro.

Muingi ucio uria ni hamwe na ene ngari na matereba a ngari cia ukui wa muingi maugite ati makoretwo na ihinda iritu makihuthira barabara iyo.