Mediamax Network Limited

Hema cia Maithori: Ahooi toro guthingata kihoto makiria ma miaka 10 ya ruo na maithori

Ni miaka 10 kuuma guthira kwa nguui cia thutha wa githurano mwaka-ini wa 2007/2008 undu uria watigire andu aingi na kigiriko ona kuhotoma kwa muturire wa aingi.

Thengia ya maya mothe bururi niweyukiriirie andu makiambiriria muturire weru.

Indi kuri amwe a aria mahutirio ni undu uyu muturire wao nduri wagacira na maturaga na maithori na kigiriko thutha wa gutunywo nyumba ciao mwena wa Mathare na Kibra.

Andu aya mararirira kihoto kiria maturite methete miaka ikumi no matiri mona utheri.