Kameme FmKameme Fm NewsKameme News

Senator Kang’ata kwenda Murang’a onayo iheyo gicunji kia mugunda wa Del Monte

Thiku nini thutha wa kambuni ya Del Monte iria ikuragia mananathi kuheyana ika 600 cia mugunda wao kuri thirikari ya kaunti ya Kiambu itanamba kweruhirio lease ya miaka 99 yukite ni thirikari iyo, riu nake Senator wa Muranga Irungu Kangata ni oritie kambuni iyo kwihika kuheana githaka kuri thirikari ya kaunti ya Murang’a.

Ona kuri ouguo Kang’ata akendekithia githaka kiria gikuheyanwo gikorwo kiri kia uguni kuri muingi, indi gitigakungirio wara ni andu kiumbe.

Gukiri uguo Kang’ata augite miario oyothe igii kugaira Murang’a gicunji kia mugunda wa Delmonte ibatii gukuruhania muingi na njira igwete.

Ika itanyihire 17,000 cia githaka gia kambuni iyo ya Delmonte ciri kaunti-ini ya Muranga o riri nacio ika 8,000 ciri kaunti-ini ya Kiambu.

 

 

Show More

Related Articles