Kameme FmKameme Fm NewsKameme News

Mutumia umwe gukio ngono thutha wa kunyitikana na bangi Kiharu

Maabithaa a wathani wa matuura kuuma ward-ini ya Gaturi mwena wa Kiharu nimaikitie ngono mutumia umwe thutha wa kwamukira bangi iria arareheirwo ikuitwo ni mbathi imwe ya Sacco ya Forward Travellers iria ikuaga athii kuuma Nairobi gutuikania Muranga na kwerekera mwena wa Mathioya barabara-ini ya Muranga guthii Kiria-ini.

Bangi iyo yukaga ikuitwo na bucket ikoragwo na irio cia nguruwe iria itigaraga mikawa-ini kuria bangi iyo ikiragwo gitina-ini kia bucket icio na igacoka igakunikwo na guikio makunia-ini niguo kumithaitira ndikamenyeke.

Stephen Komu uria ni cibu wa location ya Gathuki-ini na araragia bothiti-ini ya borithi ya Ichanjeru mwena wa Gaturi kuria mutumia ucio ukurikanite ta Judy Muthoni arahingiirwo augite ati bangi iyo iracukiirio thitinjini i nja wa kihingo gia cukuru wa anake wa St. Paul’s Gathuki-ini Kambugi.

Guikio ngono gwake gukite o riri mweri 17 mweri muthiru muthuriwe Patrick Irungu Muchoki mamuikirie ngono na bangi  e gwake mucii na gukinyio igoti-ini na kuhurwo baini iria arihire na gugekuuo ati riu niacokereirie ciiko icio kuona ati bangi iyo irathiaga gwake mucii.

Nake munini wa County Commissioner wa division ya Gaturi Benjamin Masika augite ati andu matanyihiire 60 nimaikitio ngono na bangi ward-ini ya Gaturi na gukinyio igoti-ini mwaka-ini uyu guku akiruta mukana wa ngari cia ukui wa muingi iria ikunyitikana igikua bangi ati ndereba na makanga a ngari icio meguikio ngono na mahingurirwo thitango.

Show More

Related Articles