Kameme FmKameme Fm NewsKameme News

Kieha na ihoru kugumira family imwe thutha wa mwanake wao kuragirwo Nairobi

Kieha na ihoru noithiite na mbere na kugumira family imwe kuuma ituura ria Kibuyu Magumu Kinangop kaunti-ini ya Nyandarua thutha wa muthuri umwe wa ukuru wa gatagati-ini kuuma family ino kuragirwo Nairobi na njira iri kiriga.

John Mwaura ararutaga wira na Lori wa gukua iria na kwendia matuurai-ini ma Utawala, Ruai na Njiru, no gugatwika arikia wira muthenya wa kiumia niguo aheirwo wira ni arume eri, athii athamie maobithaa aborithi makienda guthamirio matuura-ini ma Heni Kinangop na ungi Naivasha no thutha-ini ucio akiaga thutha wa kunyitwo migwate ni arume acio eri.

Kuringana na ithee wa John Mwaura Karanja Gathingira augite marakoretwo magietha Mwana wao matuura ngurani matari na umithio, no keri ga kiuma giki makimuona ari murage nyumba ya kuiga akuo ya City Mortury Nairobi ari muohe moko na maguru na mukwa riu akiuria thirikari ike utuiria wa naihenya kumenya nikii kirariire mwana wao kuona ona gukinyaniria na riu matiri marona ngari iria arathiaga nayo kuona onayo niyaiirwo.

Naguo Muingi wa ituura riri utigitwo na kieha kiingi kuona John Mwaura arari mwirutiri wira na mwendi thayu makihoya kihoto giake kionekane kuona aratigire family nini.

Show More

Related Articles