Mediamax Network Limited

NO COMPENSATION TO MAU VICTIMS

Mamitei rabinik alak tugul chekiliboni bik chekikiyonda eng timdo nebo Mau, kaikimit minister eng ministry nebo itondap emet ak timwek Keriako Tobiko kole kapchi chekikiyonda  ko kimengisie eng timdo nebo Mau komatinyei chomchinet.

Kongalali eng komostab Naivasha kangoyatei tuiyet nekingalale agobo timwek, nekotetei kibagengeit nebo UNDP, konerekchi Tobiko alak eng kandoikab bolatet cheboisie eng kibagenge ak bik chekikiyonda kochengei baronok chebo namunetab mbarenik, kit nekamwa kole magoi koyan baronochoto.

Eng kasarata konerekchi Tobiko kit nekamwa kole tomo kigochi serikalisiekab county kamugetab kotononchi tetutik chebo ripsetab timwek amu counties 20 kityo chekikonde siyet tetutik chebo kasuldaetab ngatutik cheribei timwek kongete kenyitab 2013.