Meru FmMeru fm news

Millicent Omanga ti umwe wa Senator baria barambitagia nkunkumo, Francis Mburu kuuga

Mubiashara Francis Mburu nandikirite Speaker wa mbunge ya Senate gukana nteto iria ikuuga Senator Millicent Omanga ni umwe wa Senator baria baramwitagia nkunkumo ya ciringi Million igana.

Mburu ariuga Senator baria bamwiitagia nkunkumo iu ni mukariri giti wa kamiti ya Senate iria ituiragia utumiri mbeca cia thirikari Moses Kajwang, munini wawe Mithika Linturi na Kimani Wamatangi.

Mubiashara uju ariuga baramwitagia mbeca iu nikenda baandika Report ya kumwendeera riria barathithagia ucunkuni bwa munda jwa Ruaraka juria Mburu erikanaga nendeerie thirikari na ni jwayo.

Show More

Related Articles