Kameme FmKameme Fm NewsKameme News

MCA wa ward ya Gatimu arahonia nguraro thuutha wa gutharikirwwo ni mikora

Muikariri giti wa kamiti ya mwanya iria irathuthuragia minister eri, uria ningi ni MCA wa Ward ya Gatimu, Kieru Wambui arahonia nguraro thutha wake gutharikirwo ni mikora akiinuka hwai wa ira tauni-ini ya Nyahururu . 

Kieru aratongoragia kamiti ya MCA atano aria marathuthuragia minister wa kigina Mary Mugwanja na wa Iganda Rose Wamuiya kuria maratengemanirie ripoti yao miaraho ya muthenya wa ira mbungei-ini, iriia irendekithia minister acio eri maingatwo wira, magikuruhanio na ungumania na uhuthiri muuru wa wabici kuria ripoti iyo ikwaririo gikaro-ini kia mwanya muthenya wa umuthi ni MCAs.

Kieru aragiire na nguraro cia mutwe na mbaru kuria ararigitiirwo thibitari imwe ya mundu kiumbe na araheyo rutha rwa kuinuka.

 Gutanyitwo ngucanio nene mbunge-ini ripoti ya kuhamurithia kana impeachment ya minister acio eri ikiiariririo kuria MCAs magayukanite maita meri.

Show More

Related Articles