Kameme FmKameme Fm News

Deputy President kwiranira thirikari ikirie kugathika macini ya CT scan thibitari-ini ya Kerugoya

Munini wa mutongoria wa bururi William Ruto niahinyiriirie bata wa atongoria kuhimbiria urumwe na mworoto wa kurutira muingi wira.
Akiariria muingi tauni-ini ya Kianyaga Kaunti-ini ya Kirinyaga hwai wa ira, hindi ya igongona ria gucokia ngatho ria mubunge wa Gichugu Gichimu Githinji, Ruto augite ihinda ria uteti ni rikinyite muthia na uguo muingi nduri wetereire na githethuko kinene kwona tabarira imakonie igitangikirwo.
Ihinda-ini oriu Ruto arerira aikari a Kirinyaga ati macini ya CT Scan ya muigana wa ciringi mirioni 150, ikirie kugathikwo thibitarini nene ya Kerugoya, na oho ningi arahithuria thirikari ni irikitie kuheana kandarathi ya utheremia wa maai oro undu umwe na gwikira miberethi ya gute maai ma giiko tauni-ini cia Kerugoya na Kutus.
Mbere ya guthii Kirinyaga mathaa ma hwa-ini, Ruto arambite gwikinyia uhikini wa mubunge wa Emurua Dikir Johann Ng’eno mwena wa Narok na oho araguthuka Kakamega igongona ria gucokia ngatho ria mubunge wa Lurambi Titus Khamala.
Show More

Related Articles

Leave a Reply

Your email address will not be published.