Kameme FmKameme Fm NewsKameme News

Andu atano gukua mutino-ini wa barabara Ndaragwa

Andu atano nimakuire hau hau na angi atatu kugia na nguraro njuru thutha wa mutino wa barabara iturai-ini ria Kianugu Ndaragwa kaunti-ini ya Nyandarua  utuku wa guka gukia umuthi .

Mutino ucio ukuruhanirie ngari nini iria ikuumaga mwena wa Nyeri na andu a family imwe na aria mauma na  ngari ya matatu ya kambuni ya 2NK iria ikumite mwena wa Nyahururu yerekeire Nyeri.

Ngari iyo nini yuma na andu atano hamwe na ndereva wayo , atumia eri na ciana igiri kuuria yuma thimindiini nene , na thutha wa gukinya haria mutino ucio uhanikiire yaturika kuguru na gucungiriria kugaragara na kuringana na matatu iyo iria yuma na athii atatu tu.

Andu acio mauma ngari-ini iyo nini atatu ao makwiire hau hau na acio angi eri makua magitwarwo thibitari ya Nyahururu kuria nao aria mauma ngari-ini ya Matatu magiire na nguraro nini na maramukira urigitani thibitari-ini ya Nyahururu .

Ndeto ino ninjikire mukonde ni OCPD wa Ndaragwa Timon Odingo akiuga mutino ucio uhanikiire oharia mutino ungi wahanikire kiambiriria kia mwaka uyu, na gucungiriria ikuu cia andu kenda aria maumaga mathiko mwena wa Nyeri

Show More

Related Articles

Leave a Reply

Your email address will not be published.