Meru FmMeru fm news

Maabisa 7 baria bakugwatithanua na utumiri bubui bwa mirion 22.8 Kauntine ya Homabay gwikirwa mpiine

Mutongeria wa nthitango cia muingi Noordin Haji nathite kamiti ya kurua na nkunkumo EACC gwikira mpiine maabisa 7 ba Kaunti ya Homabay bario MCA 3 baria bakugwatithanua na utumiri bubui bwa ciringi mirion 22.8 cia Kaunti iu.

Kuririkana mbeca iu ciatumirwe kuriya marupurupu mwakene jwa kithirikari jwa 2014/15 na 2016/17.

Nooordin augite kwina ukuuji bwa kungana bwa kugwatithania 7 bau na maitia jau. Jaja jakarikite oriria nabo maabisa bairi ba thirikari ya Kaunti ya Migori berigiri gukinyithua kortini nyuma yao gwikirwa mpiine ni maabisa ba EACC igoro oriria maabisa bau betite nambere gucwaana na ariti ngugi bangi 9 ba Kaunti iu baria baichithite.

Show More

Related Articles