Kameme FmKameme Fm News

Kanini Kega kwenda Aden Duale na John Mbadi mathuthurio

Muikariri giti wa kamiti ya wonjoria na iganda bururi-ini na uria nowe mumbunge wa Kieni Kanini Kega, nioritie honge cia uthuthuria itongoretio ni kamiti ya kuhitana na ngukumio EACC, munene wa ruhonge rwa DIC George Kinoti, guthuthuria ambunge aria marerikana maramukirire mahaki niguo kuguithia riboti ya kamiti ya hamwe iria irathuthuragia kana cukari uria uri bururi-ini uri na thumu kana ca.

Kanini augite mutongoria wa aria aingi mbunge-ini Aden Duale na mutongoria wa aria anini John Mbandi, nio mabatii gukorwo muhariini wa mbere guthuthurio, kuona nio maari a mbere kuregana na riboti iyo.

Kanini augite ni kieha kuona ambunge ona matinarora riboti ya kamiti yake amu nimahakitwo niguo mamiguithie.

Kumana na githagathago giki nao masenata maugite nimehariirie guthuthuria uhoro wa cukari ucio niguo akenya mathererukirwo kana cukari ucio ni ugwati ugima-ini wao wa miiri.

Magitongorio ni munini wa muhuri mucarica mbungeini ya senate Irungu Kang’ata, maugite mari na uhoti wa guthuthuria mbara nginyo nginyagia kugie na utheri.

Show More

Related Articles

Leave a Reply

Your email address will not be published.