Kameme FmKameme Fm News

Mubango wa kwandikithia na kuhe ibande atwarithia a bodaboda kwanjiririo

Itemi-ini ria kung’ethanira na ekinai aria marehithania na atawarithia a bodaboda na makiria mwena wa Nyeri kiama kia atwarithia a bodaboda nikiambikite mubango wa kwandikithia na kuhe ibandi atwarithia othe a boda boda guku bururi-ini.

Muthenya ira makiandikithia na kuhe ibandi cia wira kuri atwarithia a bodaboda gicigo-ini kia ubunge kia Nyeri Town kuria ciiko cia wikinai ikoretwo ciakiriirie na miitu mingi iria iratabania wikinai gukorwo makihuthira bodaboda magitabania ukora mwena uyu.

Kamishona wa kaunti ya Nyeri Fredrick Shisia augite mubango uyu niukuhotithia thirikari kung’ethanira na ekinai aria makoretwo makihuthira kibikibi gutabania wikinai matuura-ini matiganite mwena uyu.

Mwena-ini wake muikaririri giti wa kiama kia atwarithia a bodaboda guku bururi-ini Kelvin Ombati augite mubango uyu niukuhotithia hari guteithiriria borithi mihango-ini ya kugacirithia ugitiri na oho akoria atwarithia a bodaboda gwithema gwikuruhania na ciiko cia gucina ngaari riria umwe wao atungana na mutino wa barabara.

 

 

 

 

Show More

Related Articles