Kameme FmKameme Fm News

Musalia Mudavadi gutabania iceera ria thiku 3 mwena wa Nakuru

Musalia Mudavadi gutabania iceera ria thiku 3 mwena wa Nakuru

Itemi-ini ria kugacirithia ngumo ya kiama kia ANC mutongoria wa kiama kiu Musalia Mudavadi ari na itanya ria gutabania iceera ria thiku 3 kaunti-ini ya Nakuru. Mutabariri wa mibango kiama-ini kiu mwena wa Nakuru Godfrey Kanoti arauga hindi ya iceera riu Musalia niegukorwo akiunanira njung’wa na mbeu njithi, atumia oro hamwe na andu aria mari na mawathe. Kanoti niongereire kuuga Musalia noatanyitwo kunyita ugeni atongoria a ciama ngurani aria riu marikitie kuingira kiama-ini giake gia ANC.

Kungi nakuo thirikari ya kaunti ya Trans Nzoia ni iruguririe mubango wa kunyagia dawa na indo ngurani iria ihuthikaga thibitari-ini, cia makiria ma ciringi mirioni igana rimwe thutha wa aikari a kaunti iyo gucakaya kurumirira kuhotoma kwa mootungata ma ugima wa mwiri. Munini wa ngavana wa kaunti iyo Dagitari Stanley Kenei augite ndawa icio nicigwikirwo ibandiko cia mwanya mworoto-ini wa kuhitana na ciiko cia wuici wa ndawa

 

Show More

Related Articles

Leave a Reply

Your email address will not be published.