EMOOLOGOIYWEK

THE 1998 NAIROBI BOMB BLAST

Kikoib akoitchi emoni kakwautik chenin eng boryet nekitokchin kirindaetab kabokchinoshekab chelesosyek

Kikoib akoitchi emoni kakwautik chenin eng boryet nekitokchin kirindaetab kabokchinoshekab chelesosyek kongeten kenyitab 2008 kin kobeten bik 218 sobonwekwak chelosos eng kabokyinetab bomit eng kenyitab1998  nekikikibokyi offisisyekab kiyoknotet nebo emetab America eng nganasani bo Nairobi.

Kongololi eng ikorto netesetai eng kiwanjetab Memorial Park eng kwen nebo taonitab Nairobi nebo kabwatetab kenyisyek tiptem kongeten kibeten sabanwek bichoto 218 komwa ofisaiyat neo neteleldochin ketisyet neboryen yautikab chelosos eng emoni MARTIN KIMANI kole takomagat kokakikimit boryet nekitokchin kirindaetab kabokchinoshek amun takokaimutiet eng ribsetab kalyet nebo emet yautikab chelosos. Kasom KIMANI bikab emet kotoretgei ak ribiikab kalyet asikosulda boryonoto.

Eng kamastanyin komwa kiyogindetab emetab Amerika eng emoni ROBERT GODEC kole boisie emonoto ak emoni eng kibagenge eng kakimitetab boryonoto eng kit nebo keker kele mabit yautiet neunoto ngwan eng historia nebo emoni.

Eng ikoroton kokaimongei biik chekiibet maliikwai ak chamanik akomach serkali kokeronchi ichek eng kit nekole tom konyor kiy kobun serkali kenyisyek 20 kongeten koitchi asenanoton.

Kora ko kibit kabokyinonoton kiigoten elfushekab bik eng offisisyekab kiyoknotet eng emetab Tanzania nekiisuldaen chelosos chebo Al qaeda.

Show More

Related Articles

Check Also

Close