Kameme FmKameme Fm News

Ngavana Mike Sonko ni ateteire umomori wa ibanda mucii-ini munene wa Nairobi

Ngavana wa Nairobi Mike Sonko niateteire umomori wa ibanda iria ciakitwo mikira-ini ya barabara, na cieheri-ini ingi iria itaagiriire, akiuga ni mutaratara wa gutheria mucii munene wa Nairobi.

Akiaria mwena wa Kangemi guku Nairobi hindi ya mihang’o ya gutheria gicigo kiu, Sonko nioririe ma-MCA a mucii wa Nairobi metheme kuingiria uteti uhoro-ini wa umomori wa ibanda.

Handu-ini ha uguo niamooririe moonganie maritwa ma andu aria mamomoreirwo ibanda ciao niguo thirikari ya kaunti imenye uria ikumateithia.

Sonko niaheanire mukaana kuri andu aria maakite nyumba ciao hugururu-ini cia njuuwi guku Nairobi, hamwe na iguru ria miberethi ya gute giiko.

 

 

 

 

 

 

 

Show More

Related Articles