Kameme FmKameme Fm News

Thirikari gwathana indo cia onjoria irekererio kuuma gicukiro-ini kia mirigo,Mombasa

Thirikari gwathana indo cia onjoria irekererio kuuma gicukiro-ini kia mirigo,Mombasa

Thutha wa onjoria anini aria maguraga indo kuuma nja ya bururi gutabania mururungano ciumia ithatu hetuku, riu thirikari ni iratangikiire kiriro kiao na gwathana indo ciao irekererio kuuma gicukiro-ini kia mirigo kia Mombasa gutari na marihi ma njoherera.

 

Nzioka Waita uria niwe murugamiriri wa aruti a wira thingira-ini wa iregi na uria uraragia mucemanio-ini na onjoria acio mwena wa Nyamakima, augite thirikari itacukitie ikinya riu thutha wa guthurima indo iria onjoria acio makoretwo makirehe guku bururi-ini.

 

Ihinda-ini oriu Nzioka augite gutiri ruhonge rwa thirikari rubatii kuhithukira nduka cia onjoria aya akiuga nimagacirithitie mitaratara niguo indo ithurimagwo ikiingirio meri-ini kuuma bururi uria irauma.

 

Mwena-ini wake seneta wa Nairobi, Johnson Sakaja, augite kiria kingi mamurikite makiria ni gutigirira gutiri muraiya wa bururi wa China urikoragwo akiruta wira uria ungirutwo ni akenya guku bururi-ini.

Show More

Related Articles

Leave a Reply

Your email address will not be published.