Kameme FmKameme Fm News

Dp William Ruto gutugiria na njira nene ikinya ria kiama kia Wiper ria gwitikira kunyitanira na thirikari ya Jubilee

Dp William Ruto gutugiria na njira nene ikinya ria kiama kia Wiper ria gwitikira kunyitanira na thirikari ya Jubilee

Munini wa mutongoria wa bururi William Ruto ni aratugiririe na njira nene ikinya ria kiama kia Wiper ria gwitikira kunyitanira na thirikari.

 

Akiaria ari kanitha-ini wa gatoreki wa Ngunga mwena wa Matungulu kaunti-ini ya Machakos, Ruto arongereire kuuga thirikari niihariirie kurutithania wira na ciama itiganite cia uteti itemi-ini ria gutigirira akenya nimatungatirwo na njira igwete.

 

Oho araugire ihinda ria uteti ni ikinyu muthia na riu ni ihinda ria gutungatira muingi wa bururi.Ruto ningi niaroririe kiama kiu kia Wiper gitikire kunyita mbaru tabarira cia uthii wa nambere iria thirikari iratabarira.

 

Ihinda-ini oro riu atongoria ngurani kuuma mwena ucio wa Ikamba-ini onao nimaragathiriirie kiama kia Wiper niundu wa gwitikira kurutithania wira na Jubilee niguo gukinyaniria itugi inya cia uthii wa nambere wa bururi.

 

Kungi nakuo ngavana wa kaunti ya Busia Sospeter Ojaamong’ wa ODM augite niehariirie kurutithania wira na thirikari ya Jubilee niguo aikari a kaunti yake makinyirwo ni tabarira cia ukuria.

Show More

Related Articles

Leave a Reply

Your email address will not be published.