Kameme FmKameme Fm News

Mutwarithia umwe wa bodaboda gukua mutino-ini wa barabara,Othaya

Mutwarithia umwe wa bodaboda gukua mutino-ini wa barabara,Othaya

Mutwarithia umwe wa bodaboda niakuire kurumirira mutino uria uhanikire barabara-ini ya Othaya guthii Nyeri ituura-ini ria Gacatha ndaraca-ini ya Nduye.

 

Hindi ya mutino ucio andiki eri a ngathiti na ndereba wao nimagiiire na nguraro na riu maraamukira urigitani thibitari-ini ya Othaya level 4.

 

Nicholas Komu uria ni umwe wa ucio magurarire arauga mekumite mwena wa Munyange Othaya kuria mutino ungi uhanikire rucii-ini rwa umuthi uria ukuruhanirie ngari ya gukua iria igukuwite arutwo ikumi na umwe a thukuru wa sekondari wa Munyange aria riu maraamukira urigitani thibitari-ini ya Mathari.

 

Aria meyoneire mutino ucio maugite  ngari iyo iria ni muthemba wa pick up double cabin, iringanire kiongo gwa kiongo na boda boda iyo iria igukuiite iria na mutwarithia wayo akua hau hau na mwiri wake watwarwo mortuary ya Mukurwe-ini.

Show More

Related Articles

Leave a Reply

Your email address will not be published.