Kameme FmKameme Fm News

Arutwo kuuma mathukuru ngurani gukinyio igoti-ini

Arutwo ikumi na umwe a cukuru wa airitu wa Ngarariga nimakinyirio igoti-ini ria Limuru magikuruhanio na mahitia ma gubanga njama ya gucina cukuru. Ona kuhana oro uguo arutwo acio aria makinyirio mbere ya mucirithania Everlyne Olwade nimareganire na thitango na marekererio na mbeca bari bari ciringi ngiri mirongo itano.

Ihinda-ini oro riu arutwo mugwanja a cukuru wa airitu wa Kisumu onao nimakinyirio igoti-ini magikuruhanio na mahitia ma gucina thukuru, guthukia ngari ya murutani munene wa cukuru iyo oro hamwe na kuhotomia mihang’o ya mathomo cukuru-ini iyo. Arutwo acio marekereirio na bondi ya ciringi ngiri mirongo itano.

Kungi nakuo murugamiriri wa ruhonge rwa githomo kaunti-ini ya Bungoma Jacob Onyiego niaugite nimarathuthuria kihumo kia mwaki uria uracinire nyumba imwe ya gukomwo ni arutwo cukuru-ini wa Kamusinga High.

Show More

Related Articles