Kameme FmKameme Fm News

Matunda ma ndagitari cia Cuba kuonekana Murang’a

Ni thiku ikumi na ithathatu kuma ndagitari cia Cuba gukinya thibitari-ini nene ya Murang’a na matunda ma wira wao nimambiririe kwonekana. Icera ritu thibitari-ini uyu nituracemanirie na ndagitari Sergio Carlos uria wira wake niguthinjana kugerera njira ya guthinga mwiri niyo plastic surgery. Ndagitari uyu niarikitie guthinja andu mugwanja kuria nao aruaru mirongo iri mari raini-ini metereire.

Undu wa kumakania ni ati ndagitari uyu ndari na thina wa kuiguithania na aruaru onagutuika ni bururi wa mbere gutumwo akarute wira. 

Ndagitari Anthony Kariuki uria niwe ukoretwo ari ndagitari munene wa guthinjana thibitari-ini iyo augite nimonete ugaruruku munene amu wira umwe ndagitari uyu araruta ndurarutagwo thibitari-ini iyo na nimakenete ni uria mararutithania wira

Mwena-ini wake murugamiriri wa ruhonge rwa ugima wa mwiri county-ini ya Murang’a Joseph Mbai auigite nimonete mogaruruku manene amu arigitani aya matiri na wira ungi tiga gutungatira arwaru mugaru na arigitani angi bururi-ini aria mari thibitari ciao kiumbe.

Show More

Related Articles