Kameme FmKameme Fm News

Peter Munya guthamirio ministry-ini ya wonjoria na iganda ugaruruku-ini munini thirikari-ini

Mutongoria wa bururi Uhuru Kenyatta niatabanitie ugaruruku munini kanju-ini ya aminister oro undu umwe na gutabania wamurani mweru wa mabarothi na andiki akaru a ministry itiganite.

Minister wa wonjoria na iganda Aden Mohamed niathamio na gutwarwo ministry-ini ya maundu ma Afrika ya irathiro.

Riu minister mweru wa wonjoria na iganda ni Peter Munya. Uria urari mwaria wa thingira wa iregi Manoah Esipisu niamurwo ta barothi hamwe na uria urari muukariri giti wa kamiti ya uramati wa micaara SRC niwe Sarah Serem na uria urahuranagira giturwa kia ngavana migori Ochillo Ayako, na uria wari munene wa DCI Ndegwa Muhoro, mumbungewa tene Benjamin Lang’at hamwe na angi.

Mogaruruku maya manirirwo handu-ini ha President ni munini wa mwaria wa thingira wa iregi Kanze Dena.

Lillian Omollo uria urari mwandiki mukaru ministry-ini ya mbeu njithi na uria ukoretwo agicirithirio ngukumio ya NYS niatigithitio wira na Francis Otieno Owino akamurwo kuiyukia ithenya riu.

 

 

 

 

Show More

Related Articles

Leave a Reply

Your email address will not be published.

Adblock Detected

Please consider supporting us by disabling your ad blocker