Meru FmMeru fm news

Afisa ba nkathi cia iguru Ministrine ya kithomo narua bakambiria kuthiurukania na cukuru iria aritwa bacio bagomete kuthingatia nimbio yongwa ikureta thina.

Jau ni kuringana na Minister wa kithomo guku Kenya Amina Mohamed.

O kagitene kau Amina nagwete mbaru mubango jwa rwang’i rwa borisi ba CID jwa gutigiira aritwa baria bakwinyangia into bia cukuru migomone iu nibakujukirua itagaria ririto.

Kungi naku Ministrine ya kithomo yugite igategeera yendekithia ria kiama gia aciari ria aritwa bonthe ba cukuru cia thirikari guku Kenya gwikaira Uniform igwanene.  

Kiama kiu gia aciari kiriuga itagaria riu rigatetheria kuthiria mantu ja anene ba cukuru imwe kugaga no mwanka aciari bagure Uniform ndukene iria bagwatanaira na eene kwongera maguri.

Show More

Related Articles