KTVmohoro

Igoti ria gucokia ciira riiko guteyaniria uhotani wa mumbunge wa Embakasi South Julius Mawathe

Uhotani wa mumbunge wa Embakasi ya muhuro Julius Mawathe niuteanirio ni igoti ria gucokia ciira riko na mucirithania wa igoti riu athana githurano kingi gikorwo gigitabanio.

Mawathe ahotanire na kiama kia Wiper thutha wa kuhota Irshad Sumra uria warugamite na kiama kia ODM na uria uratwarite ciira ucio igoti-ini akiregana na uhotani wa Mawathe.

Ciira uyu wambikirwo thutha wa githurano gia tariki inyanya mweri wa kanana mwaka muhituku ni uria wari mumbunge wa hau kabere wa gicigo kiu Irshad Sumra agitetia uhotani wa Julius Mawathe.

Mweri wetatu mwaka uyu igoti inene ni riareganire na ihoya ria Sumra ria guteaniria githurano kiu, jaji Grace Nzioka akiuga uira uria watemanitio ni mawakiri ake ti muiganu gutiia ihoya riu na nirio auhandire igoti-ini ria gucokia ciira riko.

Akiaria na andiki a mohoro thutha wa itua riu Sumra augite giki ni kiambiriria kieru kia aikari a Embakasi ya muhuro kuria ena mwihoko munene wa gukaiyukia uhotani ucio wona giacokerwo.

Show More

Related Articles