Meru FmMeru fm news

Arungamiiri banene ba kampuni iria ciaretire kilo billioni 1 cia cukari guku Kenya kungwa mauri narua

Kamiti ya amwe ya urimi na biashara bungeni imunthi nikuirigirwa kuunga mauri arugamiiri banene ba kampuni mwanya mwanya ira ciaretire kilo billion imwe cia cukari aaga Kenya.

Kamiti ino tayari nirikitie kuunga mauri maminista  Henry Rotich wa kigiina Dr. Fred Matiang’i wa ukaria na Mwangi Kiunjuri wa urimi, naara inya ikuirigirwa kwamukira riboti ya ucunkuuni bwa cukari ino kumenya keegua waabu iri na tumeu twa cuuma muthemba wa lead na mercury.

Kamiti ino ira itongoretue na ajumbe  Kanini Kega na Adan Hajj nipeyaniite wirane bwa kweyana riboti ino bungeni ntugu ya alamisi kiumia giki mbere ya bunge kuthi kinogoko giikai

Ikagita kara mujumbe wa kworootwa Godfrey Osotsi akuuria thirikari kuinyangia cukuri ira yonthe iwatakaniite keenda kurigiiria itikawatithia aakenya mirimo na noontu nithukiitie arimi 

Show More

Related Articles