Kameme FmKameme Fm News

Thirikari cia kaunti kuurio inyitanire na thirikari nene gutigirira mwana ukinyite guthii nabari ndaraikara mucii

Thirikari cia kaunti nicihinyiriirio inyitanire na thirikari nene gutigirira gutiri mwana ukinyitie miaka ya guthii nathari uraikara mucii.

Ritana riri rikitio ni murugamiriri munene wa Ahadi Kenya Stanley Kamau akiuga kubatie gukorwo na watho wa gutigirira mwana wothe ukinyitie miaka itano niambiriria thukuru, na oho akoria thirikari cia kaunti kugacirithia mathukuru ma nathari.

Kamau aritie uu riria gikundi kiu kia Ahadi Kenya kinyitaniire na Lotto Kenya kuheyana iratu makiria ma ngiri inya na matangi ma maai kuri ciana cia nathari itiganite Olkalou kaunti-ini ya Nyandarua.

Mwena-ini wake ngavana wa kaunti iyo ya Nyandarua Francis Kimemia augite kanju ya mangavana niyambikite mutaratara wa gutigirira arutani a nathari nimandikwo mawiira ta arutani aria angi hamwe na gukorwo na mutaratara wa githomo kia nathari macukuru-ini mothe ma thirikari.

 

 

 

Show More

Related Articles