Kameme FmKameme Fm News

Ngavana Sonko kuuga muingi wa Nairobi niukuheo maai mateguthimirwo

Ngavana Sonko kuuga muingi wa Nairobi niukuheo maai mateguthimirwo

Ngavana wa Nairobi Mike Sonko nieraniire ati riu muingi wa matuura ma Nairobi nimekwambia kuheo maai mateguthimirwo kuumana na kwongerereka gwa gikiro kia maai ndemu-ini ya Ndakaini maria riu makinyite gicunji kia mirongo kenda hari igana.
Ngavana Sonko arekereirie ndumiriri iyo hindi ya iceera ndemu-ini iyo iria i mwena wa Gatanga kaunti-ini ya Murang’a.
Ihinda-ini o riu, Sonko ni eraniire ati ni kwambikitwo uthuthuria kuumana na ndeto ati kwina andu makoretwo makiungumia uheyani wa maai guku Nairobi .
Nake mumbunge wa kuu Gatanga Eng Nduati Ngugi niatitirithirie ati gutirari na wuici wa maai ndemu-ini iyo, na oho gutariria ati nimaraiguaniire na ngavana Sonko ati muingi wa Ndakaini uria urigainie na ndemu iyo wakirwo muberethi wa gute maai ma giko.
Show More

Related Articles