EMOOMUNGARET

HEALTH MINISTRY DIRECTIVE

Kakiteechi chemungarainik cheoldoi omitwokik chetinyei Sumu kole kiipchini icheget kerkongyet nengwan

Kakoteechi Ministry nebo tililindo chemungarainik cheoldochini biikab emet omitwokik chetinyei Sumu anan ko chemoityini kororindaaab tuguk kole kiipchini icheget kerkongyet nengwan nebo ngatutikab emoni.

Eng logoiyot nekakiiyokchi ketesiosiekab kabarastaosiek, komwa Director nebo tililindab poror eng Ministry nebo tililindo Kepha Ombacho kole orogenchini leetaetab Sukaruk chetinyei Sumu chekamwa kole indei ole ngoi sobeetab kimugulmet.

Kasirchi baruet Ombocho Managing Director nebo kibakengeit nechigili kororindab tuguuk, Kenya Bureau of Standards ak kibakengeitab chemungarainik eng emoni, Kenya Association of Manufacturers ole kacheer kibakengeisiechotok kokeer kole kakisuub mogutik chebo kororindab tuguk asi keteer mionwokik ak aseneet neibu Sumu.

Ak kou notok ko kakongat Ministry Ofisaeek cheechen chebo tililindo eng serkalit neo ak chebo Counties konget eng ribeetabgei nebo barak eng chigilisiet asi matestai koib ngoiyondit.

Kamwa kole omitwokik anan ko sukaruk ak tuguuk alak chekinyoru komoityini mogutik tugul chebo kororindab tuguuk keistoi ak keipchini kokwoutik chekimeen biik chetinyegei ak mungaranotok.

Show More

Related Articles