Kameme FmKameme Fm News

Mundu umwe guthii igoti-ini akienda giturwa kia munini wa Speaker mbunge-ini ya Nyeri giteanirio

Muikari umwe wa Nyeri niathiite igoti inene ria Nyeri akihoya igoti guteaniria giturwa kia munini wa Speaker thini wa mbunge ya Nyeri, akiuga giturwa kiu gitiri gatiba-ini ya bururi.

Amos Muchiri Kugerera wakiri Muhoho Gichimu, atwarite ciira uyu igoti-ini akienda igoti guteaniria giturwa kiu akiuga nikirahuthira mbeca cia muingi hari marihi ma munini wa speaker. Oho Gichimu akauga kuringana na gatiba ya bururi mbunge cia kaunti ibatie kwamuraga MCA umwe kurugamirira speaker ihinda-ini riria atari giikaro-ini kia mbunge.

 Mucirithania Jairus Ngaa niathite wakiri Gichimu uria urugamiriire Amos Muchiri, aneane maratathi ma ciira ucio kuri karani wa Mbunge ya Nyeri  na speaker wa mbunge ya Nyeri.  Ciira ucio ugathikiririo tariki 22 mweri uyu.

Show More

Related Articles