Kameme FmKameme Fm News

Raila Odinga kugia na ihinda iritu gutariria aria mathurirwo na kiama kia ODM uria maragunika na ngeithi ciake na President Uhuru

Raila Odinga kugia na ihinda iritu gutariria aria mathurirwo na kiama kia ODM uria maragunika na ngeithi ciake na President Uhuru

Mutongoria wa kiama kia ODM Raila Odinga auma na ihinda iritu gutariria aria mathurirwo na kiama kiu, kiria maragunika nakio kuumana na ngeithi iria mageithanirie na mutongoria wa bururi.

 

Akiaria mwena wa Mombasa hindi ya kigomano gia kiama kiu, Raila augire maundu meri maria mari ngoro-ini ya kiama kiu, ni wuiguano wa bururi na kuhurana na ngukumio.

 

Kuumana na undu ucio Raila nioritie thirikari itikire kurehe honge cia kimabururi kumateithiriria guthuthuria miikarire ya aruti a wira a thirikari amu wira ucio ni muingi makiria kuri honge iria ciihokeirwo wuigiririki ucio guku bururi-ini.

 

Ihinda-ini oriu Raila niareganire na uhoro ati niarathing’iriria gutabanio kwa mogaruruku gatiba-ini ya bururi akiuga nimacagurite kamiti iria iramurika uria kungikwo niguo kugacirithia urumwe na thayu wa bururi.

 

Mwena-ini wao ngavana wa kilifi Amason Kingi na murunawe wa Mombasa Ali Hassan Joho nimatariirie bata wa atongoria gukuruhanagio thi-ini wa matua ma kiama na gutabanagio kwa micemanio.

Show More

Related Articles